Ещё

Сунтаарга «Большое молоко» сезонугар бэлэмнэнии саҕаланна 

Сунтаарга «Большое молоко» сезонугар бэлэмнэнии саҕаланна
Фото: ЯСИА.RU
Бу нэдиэлэттэн Сунтаар улууһун баһылыгын бастакы солбуйааччы дьаһалынан «Большое молоко» сезонугар бэлэмнэнэн үүт тутар сыахтары, үүт аһы-үөлү оҥорон таһаарар тэрилтэлэри бэрэбиэркэлиир анал хамыыһыйа тэриллэн үлэтин саҕалаата. Хамыыһыйаҕа тыа хаһаайыстыбатын управлениетын, , гигиена уонна эпидемиология киинин, ветеринания управлениетын бэрэстэбиитэллэрэ бааллар.
Ыам ыйын 16 күнүттэн хамыыһыйа Куокуну, Кириэстээх нэһилиэктэригэр «Үрдэл» ТХПК, Тойбохойго «Хочо» МУТ, Аллыҥаҕа «Ал-Су» ТХПК көрүүттэн үлэтин саҕалаата. Хамыыһыйа чилиэннэрэ үүт тутар сыахтар, оҥорон таһаарар тэрилтэлэр билиҥҥи бары ирдэбиллэргэ эппиэттэһэр усулуобуйаҕа үлэлииллэрин, ыраастык туттан олороллорун көрдө-иһиттэ, бэрэбиэркэлээтэ. Өскөтүн, тэрилтэ туох эмэ биричиинэнэн ирдэбилгэ эппиэттэспэт буоллаҕына, туһааннаах биэдэмистибэттэн акт толоруллар.
Маннык бэрэбиэркэлиир үлэлээх анал хамыыһыйа бэс ыйын 2 күнүгэр диэри улууспут нэһилиэктэринэн сылдьан бары үүтү тутааччылары, оҥорон таһаарааччылары бэрэбиэркэлиэҕэ.
Как правильно работать в праздники
Комментарии
Читайте также
Новости партнеров
Больше видео